Оқу жылының күзгі демалысын мазмұнды әрі пайдалы өткізу шәкірттердің ынта-ықыласына байланысты екені сөзсіз. Павлодар ауданы мектептерінің ынталы оқушылары аудандық Балалар мектебіндегі үйірмелерге аса белсенді қатысып, күзгі демалыстарын мазмұнға толтыра білді. Өнер мектебі жанындағы түрлі бағыттағы үйірмелер өз жұмысын бір сәтке де тоқтатқан жоқ. Өнердің сан алуан түріне ден қойған шәкірттер аудан, облыс көлеміндегі сайыс-байқауларға қатысып, өз деңгейлерін еселеуге мүмкіндік алды. Әрдайым есігі айқара ашық үйірмелерде кәсіби мамандар сапалы да қызыққа толы қызмет көрсетті.