Бүгін сенің мерекең,

Өнер жолына қадам бастың сен.

Қош келдің, мектебімізге,

Барлық жолдар ашылады өзіңе.

2017 жылдың  28 қазанында Красноармейка ауылындағы «Балалар өнер мектебінде» бірінші сынып оқушыларына арналған қабылдау кеші өтті.

Павлодар ауданының «Балалар өнер мектебі» жыл сайын өз қатарын өнер жолын  іздеп  келген өрендермен толтыруда. Міне, биыл да Красноармейка ауылындағы Балалар өнер мектебіне домбыра, қобыз, фортепиано сыныптарына келген оқушыларды салтанатты түрде бірінші сыныпқа қабылдады.

Биыл мектепте алғашқы рет қобыз сыныбы ашылды, жетекшісі Клара Төлеубаевна Жаманшалова. Сыныптың ашылуынан аз уақыт өтсе де, тәлімгер Каирова  Әсел  концертмейстердің сүйемелдеуімен  қобызда ойнау өнерін көрсетті. Вокал сыныбының оқушысы Амерханова Айгерім сахнада өзін еркін ұстауымен, вокалдық ерекшеліктерімен көзге түсті.

Оқушыларды құттықтауға домбыра сыныбының  түлектері Кабиденов Алдияр, Теміргалиев Қуаныш, Елубаев Тамерлан келіп, сахнада  Дәулеткерейдің «Түркмен» күйін шеберлікпен ойнап, көрермендерді тәнті қылды.

Өнер мектебінің директоры Әсем Бекенқызы ата-аналар алдында сөз сөйлеп, бала тәрбиесінде өнердің  зор рөл атқаратын  атап  өтті.

Кеш соңында бірінші сыныпқа қадам басқан оқушыларымыз сахна төріне шығып, ата-аналары мен ұстаздардың  алдында жақсы оқуға, өнер жолында өз шеберліктерін шыңдауға, жас музыкант  атағына лайық болуға ант берді.

Директордың тәрбие ісі

жөніндегі орынбасары Д.Қ.Ғаббасова

Балалар өнер мектебі

Красноармейка а.