Күзгі демалыс уақытында  Балалар өнер мектебі мұғалімдері сыныптан тыс шаралар ұйымдастыруда.

Қазақстан Республикасының талантты әншісі Роза Рымбаеваның 60 жылдық мерейтойына байланысты «Ән -қанатым» атты  іс-шараны 2017 жылдың 30 қазанында балалардың қатысумен «эстрадалық вокал» сыныбының  жетекшісі, жас маман Меруерт Мұратбековна өткізді.

Шараның мақсаты – балаларды әншінің өмірбаянымен, шығармашылық жолымен  таныстыру.

Сыныптан тыс шараны вокал сыныбының оқушысы  Айтжанова Мерейлім әншінің патриоттық әні  «Әлиямен» бастады.

Әртістің шығармашылығына арналған презентация, бейнероликтер көрсетіліп, оқушылардың қызығушылығын тудырды. Роза Рымбаеваның патриоттық және классикалық репертуарындағы  республикамыздың алтын қорына енген әндерін тағы да бір тыңдады.

Әншінің өмірі мен шығармашылығы бойынша жүргізілген блиц сауал арқылы шара өз мәресіне жетті.