2017 жылдың 8 қарашасында  Балалар өнер мектебінің мәжіліс залында  мектепішілік ата-аналар жиналысы өтті.

Күн тәртібінде келесі сұрақтар қаралды:

1. Директордың оқу ісі жөніндегі орынбасары Н.Н. Курманованың сөз сөйлеуі.
2. Сынып пен үйірме жетекшілерінің есебі.
3. Директордың тәрбие ісі жөніндегі орынбасарлары А.Дарьина, Д. Габбасованың 2016-2017 жылдың тәрбие ісіне  есебі
4. БӨМ директоры А.Б.Каппасованың сөз сөйлеуі
5. Әр түрлі

Жиналысты директордың оқу ісі жөніндегі орынбасары Н.Н. Құрманова ашты.  Балалар өнер мектебі баланы жан-жақты дамытатын ортаның бірі екенін айта кетті.  І тоқсанды үздік аяқтаған оқушылар ерекше аталып өтілді.

Директордың тәрбие ісі жөніндегі орынбасарлары  А.Дарьина, Д. Габбасова  2016-2017 оқу жылының тәрбие жұмысы есебін презентация, фотоесеп  көрсету арқылы ұсынды.

Жиналыс соңында Астана қаласында өткен Халықаралық «Astana Gran prix» , «Laula» сайыстарын қатысып 1,2 орынды иеленген оқушыларды  мектеп әкімшілігі салтанатты түрде ата-аналар алдында марапаттады. Олардың жетістігі туралы бұқаралық ақпарат құралдарында жарияланып, облыс, аудан сайттарына орналастырылды. Олар Каппасов Балтабек, Бош Владимир, Асқарова Фатима, Кабиденов Алдияр. Әр марапаттаудан кейін музыкалық номер көрсетілді.

Ата-аналар комитетінің төрайымы Бош Евгения сөз сөйлеп, оқушыларды құттықтап, мектеп әкімшілігі мен ұстаздарға  өз алғысын білдіріп,   жылы сөздерін арнады.

Мектеп жиналысы соңында директор  Асем Бекенқызы  жеңімпаздар мен ұстаздарды құттықтап, ата-аналарға алғысын білдірді. Балалар өнер мектебі – жас таланттар,музыканттар, суретшілер, бишілер  шығатын, өнер үйі болып қала бермекші, екенін атап өтті.