2017 жылдың 30 наурыз – 01 сәуір аралығында Алматы қаласында өткен  «Рауан» республикалық фестиваль-конкурсына  Павлодар ауданы білім беру бөлімі «Балалар өнер мектебінің» оқушылары атсалысты.

Бұл сайысқа «Желдірме» қазақ  ұлттық аспаптар ансамблінің 12 оқушысы  мен  жеке орындаушылар  қатысты.

Сайыс қорытындысы бойынша «Желдірме» ансамблі «Аспаптық музыка» аталымы бойынша  І орынды иеленді.

Каппасов Балтабек пен Назмутдинов Фаиз жеке орындауда «Аспаптық музыка, домбыра» аталымында бас жүлдені қанжығасына байлады.

«Желдірме» қазақ  ұлттық аспаптар ансамблінің  жетекшісі К.К.Таймасов, қобыз сыныбының ұстазы А.Қ.Ботабаева, домбыра сыныбының ұстазы Т.М.Байбусуноваға және дарынды оқушыларымызды қолдаған ата-аналарға мектеп әкімшілігі  алғыс білдіреді.

Жүлдегерлерімізге шығармашылық табыс тілейміз.

Балалар өнер мектебінің әкімшілігі

Павлодар ауданы

 Красноармейка ауылы