Жыл сайын қатар жүретін 7 мамыр – Отан қорғаушылар күні және 9мамыр- Жеңіс күні мерекелері еліміздің түкпір-түкпірінде ерекше құрметпен аталып өтіледі. Ауылымыздың өнер ордасы да қарт адамдардар,ардагерлерді, зиялы азаматтарды елеп, Ардагерлер кеңесінің

төрағасы Алпысбай Шалабаев және Красноармейка аграрлық-техникалық колледжі басшысының орынбасары да Ерсайын Дүйсенов салтанатты мерекенің сыйлы қонағы болуға шақырылды. Шараның ашылуы мектеп директоры Әсем Каппасованың құттықтау сөзінен басталды. Өнер мектебінің жас таланттарының орындауында патриоттық, классикалық әндер шырқалып, жастық шақтың кезеңдерін еріксіз еске салды. Ағымдағы жылда Павлодар облысына 80 жыл, Павлодар ауданына 90 жыл және Астананың 20 жылдығы сияқты мерейтойлары аталуда. Бұл тақырыпта әндер орындалып, мәнерлі өлеңдер оқылды.

Мектеп әкімшілігі