Балалар өнер мектебінде көптен күткен жаңа жыл кеші өтті. Мәжіліс залының ортасында безендірілген жасыл шырша орнатылды. Оқушыларымыз түрлі сәнді костюмдерін киіп, көздерінде шаттық сезімдерімен жаңа жылдық мерекені қарсы алуға дайын болды.
Мерекемізді бірнеше жүргізушіміз қызықты өткізіп, сахнаға көңілді ойындар ойнауға шақырды. Хореография үйірмесінің бүлдіршіндері алғашқы рет сахнада шырша биін биледі. Домбыра сыныбының кіші жас топтағы оқушылары «Жастар» күйін орындады. Балалар дәстүрлі түрде шыршаны айналып, мерекелік әндер шырқады. Мереке соңы би кешімен ұласты.