Балалар өнер мектебінде 12  желтоқсан күні  мектепішілік жоспарға сәйкес  фортепиано сыныбының ұстазы С.А.Применко «Музыкалық шығарма мен оның көркем бейнесі  бойынша жұмыс» атты тақырыпта ашық сабақ өткізді.

Сабақ 2 сынып оқушылары  Асқарова Фатима мен Рахымқали Айымжанның  қатысуымен өтті.

Бұл сабақтың мақсаты мен міндеттері:

Сабақтың мақсаты: музыкалық шығарманың көркем бейнесін түсінуге және сезінуге үйрену, тәрбиеленушілерді  өнер әлеміне баулу.

Міндеттер:

1. Көркемдік  талаптарын дамыту, шығармашылыққа баулу, өзіндік көзқарастарын қалыптастыру, саналы қабылдау.
2. Шығармашылық ойлау қабілеті дағдыларын баулу.
3. Сахна этикасын үйрену.
4. Ұжымдық іс-әрекет тәжірибесін баулу. (ансамбльдегі ойындар).
5. Музыкалық сауаттылықты тәрбиелеу.Өнерге қызығушылықты дамыту, дүниетанымын кеңейту.

Ұстаз  С.А. Применко сабағында түрлі  көрнекі құралдарды, сонымен қатар видео-материалдарды қолданды. Ұстаз сабақ үрдісінде  оқушылармен сұхбат жүргізе отырып, оларға өз шеберліктерін шыңдауға мүмкіндік берді. Сабақ  нәтижелі, жоғары шығармашылық  деңгейде  өтті.