Кеңес негізгі жалпы білім беру мектебінде ақпанның 23 – і күні 1 – сынып мұғалімі Қабыш Еркегүл дүниетану пәнінен ашық сабақ өткізді.
Ашық сабақтың тақырыбы «Ертедегі саяхат». Тақырып кең ауқымды және өте қызықты. Сабақ екі топқа бөлу арқылы ұйымдастырылды. Еркегүл Қабышқызы ашық сабаққа интерактивті тақта, түрлі – түсті қағаздар, таратпа қағаздар және плакат т.б. сияқты көрнекі құралдар пайдаланды. Оқушылар толығымен қатысты.
Өткізілген ашық сабақ жоспарға сай ұйымдастырылған. Оқушылар белсенді жұмыс жасап, өздерін көрсете білді. Мұғалім уақытты тиімді пайдаланды.
Ашық сабақтың соңында барлық жеңіске жеткен топтар мақтау қағаздарымен және сыйлықтармен марапатталды. Пән мұғалімі өз сыныбын түрлі жарыстарға қатыстырып, жүлделі орындарға ие болып жүр!

Дайындаған: Кеңес негізгі жалпы білім беру
мектебінің аға тәлімгері Бахатхан Жұпаргүл